ምጽዋት ጀምሩ

እዙይ ጠቓሚ ዝኸውን ንምንታይ እዩ?

ቆልዑ ብተፈጥርኦም ሓደሽቲ ነገራት ምምሃር ዝኽእሉ ብጸወታ መልክዑ እዩ፡፡ ቆልዑት ናይ ምርድዳእ ዓቅሞም ዘዕብዩ፣ ፈጠራታት ክፈጥሩ ዝኽእሉን ጸገም ናይ ምፍታሕ ዓቅሞም ዝሕይልን ምስካልኦት ሰባት ክጻወቱ እንተለዉ እዩ፡፡ ኣብዚ ሕዚ እዋን ቆልዑት መብዛሕትኡ ግዝይኦም ኣብ ቅድሚ ስክሪን ተገቲሮም እዮም ዘሕልፍዎ፡፡ እዙይ ማለት ካብቲ ብጸወታ ከሕልፍዎ ዝግበኦም ግዝየ ንእሽተይ ጥራይ እዮም ዕድል ዝረኽቡ ማለት እዩ፡፡ ካብዙይ ብምብጋዝ ውዱብ ጥዕና ዓለም (WHO) ትሕቲ ክልተ ዓመት ዘለዉ ቆልዑ ቴሌቪጅን ኮነ ካልእ ስክሪን ክሪኡ የብሎምን ዝብል መምርሒ ኣውጺኡ እዩ፡፡ ዓበይቲ ከምኳንኩም፣ እቶም ቆልዑ ካብ ንእስነቶም ጀሚሮም ምስ ሰባት ምጽዋትን ምትእትታውን ክለምዱ ናይ ምግባር ሓላፍነት ኣለኩም፡፡

ወደይ/ጓለይ ብከመይ ክሕግዞ/ዛ ይኽእል?

ቆልዑት ብናይባዕሎም ተበገስነት ጸወታታት ክጅምሩ ስለዝኸብዶም፣ ዓበይ ሰባት ክሕግዝዎም ይግባእ፡፡ ዓበይቲ ሰባት ከምምኳንኩም፣ በብማዓልቱ ንሓደ ስዓት ዝኣክል ፣ ምስ ውላድኩም ብሓንሳብ ኮይንኩም ክትጻወቱ ትኽእሉ፡፡ ውላድኩም እናተጻወተ እናሀለወ እውን ትኽክለኛ ኣብ እትብልዎ ስዓት ተሓዊስኩም ብሓንሳብ ክጻወቱ ትኽእሉ፡፡ ካብኡ ሓድሽ መጻወቲ ብምውሳኽ ወይ ሓድሽ ኣጸዋውታ ብምውሳኽ እቲ ጸወታ ዝሓሸ ክኾን ምግባር ትኽእሉ፡፡ ደቅኹም ጸወታ ክጅምሩ ንምግባር ዘኽእሉ መንገድታት ኣብ ታሕቲ ቀሪቦም ኣለዉ፡፡

ጽቡቅ ጸወታ ምረጹ

ንኣናእሽተይ ቆልዑ፣ ደጋጊሞም ክጻወትዎ ዝኽእሉ ቀለልቲ ጸዋታታት ምምራጽ ዝሐሓሸ እዩ፡፡ ንስኹም ኮነ ደቅኹም እንታይ እንታይ ከምትፍጽሙ ዘርእይ ግልጺ ዝኾነ ጸወታ ምረጹ፡፡ ከምዙይ ተገይርኩም ነንበይንኹም ካብ ምጽዋት በብሓንሳብ ክትጻወቱ ይገብር፡፡ ብሓንሳብ ኮይንኩም ምስሊ ክትገጣጥሙ እንተለኹም፣ እቶም ደቅኹም ነቲ ሰሌዳ ክሰርሑ ሓላፍነት እንተሂብኩምዎም ንስኹም ድማ ኣብቲ ሰሌዳ ዝሰኳኹዑ ምስልታት ትገጣጥሙ፡፡ ካብኡ ናትኩም ሚና ዝኸውን እቶም ዝሰኳኹዑ ምስልታት ነቶም ቆልዑ ትህብዎም፣ ካብኡ እቶም ቆልዑ ነቲ ምስሊ ኣብ ትኽክለኛ ቦትኦም ይሰርዕዎም፡፡

ደቅኹም ክፈትውዎ ዝኽእሉ ጸወታ ንምምራጽ ሞክሩ፡፡፡ እቶም ደቅኸም ናይ መኪና  ጸዋታ ዝፈትዉ ተኾይኖም፣ ምስ መኪና ዝተሓሓዙ ጸወታታት ምረጹሎም፡፡ እቶም ደቅኹም ምንቅስቃስ ዝፈትዉ ተኾይኖም፣ ኣብ ደገ ኮይንካ እትጻወቶ ከም ምጉያይን ምዘዝላልን ዘለዎ ጸወታ ምረጹሎም፡፡ ምስ ደቅኹም ክትጻወቱ እንተለኹም ብጣዕሚ ኣገዳሲ ነገር ዝበሃል ኩሉሻዕ እቲ ጸወታ ክትፈትውዎን ብሓንሳብ ኮይንኩም ክትጻወቱ ምኽኣል እዩ፡፡ ንኣብነት፣ ናይ መኪና መጻወትታት ክትጻወቱ ተለኹም፣ እተን ናይ መኪና መጻወትታት ኩለን ንደቅኹም ትብዎም እሞ ኣብ ጋራጅ ከቅምጥዎም ምንጋር፡፡

ጸወታ ንምጽዋት ተዳለዉ

ብሓንሳብ ኮይንኩም ዘሕጉስ ናይ ጸወታ ግዜ ተሕልፉ ከምዘለኹም ንምርግጋጽ፣ ኩሉ ዘድሊ ነገር ቀዲምካ ምድላው የድሊ፡፡ ነቲ ጸወታ ዘየድልን ዕንቅፋት ክኸውን ይኽእል እዩ እትብልዎ ዝኾነ ይኹ ኣቅሓ ኣርሕቁ፡፡ ቴሌቪዝን ዕጸዉዎ ስልክኹም እውን ኣርሒቅኩም ኣቅምጥዎ፡፡ ነቲ ጸዋታ ዝምቹ ቦታ ምረጹ፡፡ ነዙይ ዝጥዕም ዝሓሸ መንገዲ እቶም ኣብ ጸወታ እትጥቀሙሎም መሳርሕታት ኣብ ሓደ ባኮ ወይ ሳንጣ ገይርኩም ኣብ እትጻወትሉ እዋን ካብኡ እናውጻእኹም ምጽዋት እዩ፡፡

ምስ ደቅኹም ሓቢርኩም ንምጽዋት ክትሓስቡ እንተለኹም፣ ክትጻወቱ ከምዝደለኹ ነቶም ደቅኹም ንገርዎም፡፡ እዙይ ንምግባር ዝሓሸ መንገዲ ንቶም ደቅኹም “መጻወቲ ካርዲ” ክተርእይዎም ምግባር – ናይቲ ክትጻወትዎ ዝሓሰብኩም ዓይነት ጸወታ ምስሊ ዝሓዘ ካርዲ፡፡ እቶም መምርሕታት እቲ ጸወታ ድማ ብግልባጥ እቲ ካርዲ ተጻሒፎም ከመይ ክጻወቱ ከምዘለዎም ዘርእይ ካርዲ እዩ፡፡ እቲ ጸዋታ ቅድሚ ምጅማርኩም ንቶም ደቅኹም እቲ ካርዲ እንተርኢኹምዎም፣ ብቅልጡፍ ናይ ጸዋታ ካርዲ ማለት እንታይ ማለት ከምዝኾነ ይርድኡ፡፡ ካልእ ግዜ፣ እቶም ደቅኹም ነቶም ካርድታት እናረኣዩ ክጻወትዎ ዝደለዩ ዓይነት ጸዋታ ካብቲ ካርር ብምምራጽ እንታይ ዓይነት ጸዋታ ክጻወቱ ከምዝደልዩ ይነግሩኹም፡፡

 “ምስ ደቀይ ኮይነ ታይ ዓይነት ጸዋታ ተተጻወትኩ ይሓይሽ ?”ኣብ ዝብል ርእሲ እንታይ ዓይነት ጸወታታ ከምዘለዉን ዝሓሸ ተዋታ እንታይ ከምዝኾነን ሓበሬታ ክትረኽቡ ትኽእሉ፡፡

ንደቅኹም እቲ ጸዋታ ከመይ ከምዝጽወት ኣምህርዎም፡፡

ህጻውንቲ ቆልዑት ዓበይቲ ዝገብርዎ ብምድጋም እዮም ዝመሃሩ- ዓበይቲ ዝገብርዎ ብምርኣይ ካብኡ ባዕሎም ክገብርዎ ብምሙኳር፡፡  እቶም ዓበይቲ ነቶም ቆልዑ እቲ ጸዋታ ከምህርዎም እንተለዉ፣ እቶም ቆልዑ እንታይ ክገብሩ ከምዘለዎም ብግልጺ ኣርእይዎም፡፡ እቶም ቆልዑ እቶም ጸዋታታት ብክለምድዎም ብዙሕ ግዜ ደጋጊሞም ክለማመድዎም ኣለዎም፡፡ ሓደሓደ ተግባራት ኣብ ናይ መጀመርታ እዋን ነቶም ቆልዑት ክለምድዎም ስለዝኸብድዎም፣ ካብ ዓበይቲ ሰባት ሓገዝ የድልዮም እዩ፡፡ ንኣብነት፣ምስ ደቅኹም ኮይንኩም ምግጥጣም ትጻወቱ እንተሃሊኹም፣ እቶም ሕድሕድ ኣካላት ናበይ ክስኩዑ ከምዘለዎም ክትነግርዎም ትኽእሉ፡፡ እቶም ቆልዑ ነቲ ጸወታ ፈትዮምዎ ምጽዋት ክቅጽሉ ዝኽእሉ ኣብቲ ጸዋታ ዝዕወቱ እንትኾኑ እዩ፡፡

እቶም ናይ ጸዋታ ካርድታት ወለዲ ንደቆም ሓድሽ ጸዋታ ንምምሃርን ዝነበረ ጸዋታ ብደንቢ ክመልክዎ ንምግባርን ይጠቅሙ፡፡ እቶም ናይ ጸዋታ ካርድታት ኣብ እዋን ጸወታ እንታይ ክትገብሩን ክትብሉነ ከምትኸእሉ ዝሕብሩ ምስልታት ዝሓዙ እዮም፡፡ “ምስ ደቀይ ኮይነ ታይ ዓይነት ጸዋታ ተተጻወትኩ ይሓይሽ ?”ኣብ ዝብል ርእሲ እንታይ ዓይነት ጸወታታ ከምዘለዉን ዝሓሸ ተዋታ እንታይ ከምዝኾነን፣ ከምኡውን ኣጸዋውትኡ ዘርእይ ቪድዮ ሓበሬታ ክትረኽቡ ትኽእሉ፡፡

ደቅኹም ቀልቦም ክትገዝኡ መኩሩ

ቆልዑት ብቀሊሉ ትኹረቶም ስለዝመቃቀል  ብትኹረት ክጸንሑ ዘይክኽእሉ ይኽእሉ እዮም፡፡  ብሓንሳብ ኮየንኩም ንክትጻወቱ፣ ቀልቢ እቶም ቆልዑ ምሓዝ ኣድላይ እዩ፡፡ እዙይ ንምግባር ዝሕግዝ ሓደ መንገዲ ዝተፈላለዩ ዓይነታት ናይ ኣካል ምንቅስቃስ፣ ኣረኣእያን ድምጽታትን ብምጥቃም እዩ፡፡ ኣጋኒንኩም ምቅራብ ኣይትሰከፉ!

ቀልቢ እቶም ቆልዑ ሂዝካ ንምጽናሕ፣ ናይቲ ጸወታ እርምጃ ምልምማድ የድሊ፡፡ እቶም ደቅኹም ክሳብ ዝውድኡ ብትዕግስቲ ምጽባይ የድሊ፡፡ ኣብ ሓደ ሓደ ኣጋጣምታት ድማ፣ እቶም ቆልዑ ትኹረቶም ከይስረቅ ክትፈጥኑ ዝግበአኩም ኣጋጣምታት ክህልዉ ይኽእሉ፡፡

ኣብቶም ቆልዑት ሃንቀውታ ክፍጠር ምግባር ካለልእ ነቲ ጸወታ ክፈትውዎ ንምግባር ዘኽእል መንገዲ እየ፡፡ ከምዙይ ንምግባር ዘኽእል ሓደ ቀሊል መንገዲ ዝኾነ ዘስሕቅ ወይ ዘድስት ነገር ቅድሚ ምምጽኡ ካብ ሓደ ክሳብ ሰለስተ ምቁጻር-ንኣብነት፣ ነቶም ቆልዑት ብጎኒ ክንሸራተቱ ቅድሚ ምግባርኩም ወይ ንላዕሊ ሓፍ ቅድሚ ምባልኩም፡፡ ኣብ ማእኸል እቲ ጸዋታ ክቋረጽ ብምግባር እውን ድሌቱ ክውስኽ ምግባር ይከኣል፡፡ ሸውላለጋ ትጻወቱ እንተሃሊኹም፣ እቲ ውላድኩም ቀባሕባሕ እናበለ ክሪአኩም ከሎ ጽቡቅ ገይርኩም ትደፍእዎ፡፡

ክትጻወቱ እንተለኹም ተዝናነዩ

ምስ ደቅኹም ክትጻወቱ እንተለኹም እቲ ብጣዕሚ ጠቃሚ ነገር ሓቢርኩም ምዝንይናይኩም እዩ፡፡ ብሓንሳብ ኮይንካ ዝኾነ ነገር ምስራሕ ዘሕጉስ ከምዝኾነ ነቶም ደቅኹም ኣርእይዎም፡፡ ደቅኹም ደኺምዎም እቲ ጸዋታ ቅድሚ ምቁራጾም ቀዲምኩም ደው ኣብሉ-ሓደ ነዊሕ ጸዋታ ካብምጽዋት ዝተፈላለዩ ሓጸርቲ ጸወታታት ምጽዋት ይሓይሽ፡፡ እናተጻወትኩም እንተለኹም ቪድዮ ቀሪጽኩም ዳሕራይ ንደቅኹም ክተርእይዎም ትኽእሉ፡፡ ከምኡ ክትገብሩ እንተለኹም፣ እቶም ቆልዑ ደጋጊሞም እቲ ጸወታኹመ ይሪእዎ!

ምስ ደቀይ ኮይነ እንታይ ዓይነት ጸወታ ክጻወት ይኽእል?

ኣብ ህጻንነት ክጽወቱ ዝግብኦም ጸወታታት

ቆልዑት ብህጻንነቶም ዝጻወትዎም ጸወታታት ከም “peekaboo” ሕንትሽጽሽ፣ሓፍ ምባል ዝመሳሰሉ ጸወታታት እዮም፡፡ እዚኣቶም ኣብ ማዓልቲ ብዙሕ ግዜ ክትጻወቶም እትኽእል ጸወታታት እዮም-ንኣብነት፣ ኣብ ገዛኻ ወይ ኣብቶቡስ ትጽበየሉ ግዜ፡፡ እቶም ቆልዑ ናዓበዩ ክኸዱ እንተለዉ፣ ነገራት ናብ ታኒካ ምእታውን ምውጻእን፣ ወይ ካብ መሬት ምልዓ ዝመሳሰሉ ጸወታታት ምጽዋት ይፈትዉ፡፡